திருநங்கை மனைவியோடு மனஸ்தாபம்.. நண்பனை சேர்ந்து கொன்ற 4 ஓசி குடி நண்பர்கள்

சென்னை, ஆவடியில் நண்பர்களுடன் சேர்ந்து வீட்டிற்குள் மது அருந்திய இளைஞர், நண்பர்களாலயே பீர் பாட்டிலால் குத்தி கொலை செய்யப்பட்ட சம்பவம் அதிர்ச்சியை ஏற்படுத்தி இருக்கிறது.

ஆவடி நந்தவனம் மேட்டூரை சேர்ந்தவர் ஆஜா. 25 வயதான இவர் திருநங்கை ஒருவரை மணமுடித்த நிலையில், இருவரும் கருத்து வேறுபாடு ஏற்பட்டு ஒருவரையொருவர் பிரிந்து சென்றதாக கூறப்படுகிறது. இந்நிலையில், தனியே வசித்து வந்த ஆஜா, சம்பவத்தன்று தனது நண்பர்களுடன் சேர்ந்து வீட்டுக்குள் வைத்து மது அருந்தியதாக சொல்லப்படுகிறது. அப்போது நண்பர்களுக்கிடையே ஏற்பட்ட தகராறில், தனது நண்பர்கள் நால்வராலையே, பீர் பாட்டில் மற்றும் கத்தியால் ஆஜா குத்தி கொலை செய்யப்பட்ட சம்பவம் அதிர்ச்சியை ஏற்படுத்தி இருக்கிறது. இந்த சம்பவம் குறித்து வழக்குபதிவு செய்திருக்கும் போலீசார், கைரேகை நிபுணர்கள் மற்றும் மோப்ப நாய்கள் உதவியுடன் ஆய்வு நடத்தி வரும் நிலையில், தலைமறைவாக உள்ள கொலையாளிகளை தேடி வருகின்றனர்.