தமிழ்நாட்டில் முதல்முறையாக.. சென்னையில் முற்றிலும் இலவசம்

தமிழ்நாட்டில் முதல் முறையாக அடுத்த மாதம் டென்னிஸ் கிளப்புகளுக்கு இடையே சாம்பியன்ஷிப் போட்டி நடைபெற உள்ளதாக அறிவிக்கப்பட்டுள்ளது.

சென்னை சேப்பாக்கத்தில் செய்தியாளர்களைச் சந்தித்த தமிழ்நாடு டென்னிஸ் சங்க செயலாளர் பிரேம்குமார், ஆகஸ்ட் மற்றும் செப்டம்பரில் 45 நாட்கள் டென்னிஸ் தொடர் நடைபெற உள்ளதாக தெரிவித்தார். இந்த சாம்பியன்ஷிப்பில் கிளப் அளவில் பல்வேறு வயது பிரிவினர் கலந்துக்கொள்ள உள்ளதாகவும், முதலிடம் பெரும் அணிக்கு ஒரு லட்சம் ரூபாய் வழங்க உள்ளதாகவும் தெரிவித்தார். சென்னையில் மட்டும் 13 டென்னிஸ் கிளப்புகளில் இந்த விளையாட்டு நடைபெற உள்ளதாகவும், இந்த போட்டிகளை இலவசமாக காணலாம் என பிரேம்குமார் குறிப்பிட்டார்.