சென்னையில் மதுபோதையில் காவலர் செய்த செயல் - வைரலாகும் வீடியோ

சென்னை அடுத்த குன்றத்தூரைச் சேர்ந்த விக்னேஷ் நேற்று நள்ளிரவு இரவு 11 மணியளவில் தனது உறவினருடன்

தாம்பரம் மண்ணிவாக்கம் சாலையில் முடிச்சூர் பகுதியில், இருசக்கர வாகனத்தில் பயணம் செய்துள்ளார்.

அப்பொழுது கருப்பு நிற கார் ஒன்று அவரது இரு சக்கர வாகனத்தை இடிக்கும் வண்ணம் சென்றுள்ளது. அதேபோன்று அந்தக் கார் முன்னே சென்ற சில வாகனங்களில், இடித்துச் சென்றதாக கூறப்படுகிறது. குறிப்பாக நள்ளிரவில் தாறுமாறாக அந்தக் கார் சாலையில் சென்ற நிலையில், விக்னேஷ் மற்றும் வாகன ஓட்டிகள் இணைந்து காரை மடக்கிப் பிடித்தனர்... அப்போது காரில் போலீஸ் என்று எழுதப்பட்டிருந்தது கண்டு அவர்கள் அதிர்ச்சி அடைந்தனர். காரில் காவலர் உடையும் இருந்துள்ளது... தொடர்ந்து காவலரைப் பார்த்துப் பொதுமக்கள் சரமாரியாக கேள்வி எழுப்பினர்... தவறு செய்பவர்களை தட்டிக் கேட்க வேண்டிய காவலரே போதையில் வண்டியை ஓட்டலாமா என அவர்கள் கேட்ட நிலையில் அதற்கு பதில் சொல்லுமளவு கூட அவர் தெளிவாக இல்லை என கூறப்படுகிறது... தற்போது இந்த வீடியோ சமூக வலைதளங்களில் அதிகம் பரவி வருகிறது.