சட்டக்கல்லூரி மாணவியால் சென்னை டிரைவர், கண்டக்டருக்கு நேர்ந்த கதி.. வைரலாகும் அதிர்ச்சி வீடியோ

சட்டக்கல்லூரி மாணவியால் சென்னை டிரைவர், கண்டக்டருக்கு நேர்ந்த கதி.. காதாலும் கேட்க முடியல..கண்ணாலும் பார்க்க முடியல

சென்னை மாநகர பேருந்து ஓட்டுநர் - நடத்துநரை தாக்கிய, சட்டக்கல்லூரி மாணவி பிரதீபா ஷாலினி, அவரது கணவர் ரஞ்சித் உட்பட 4 பேரை போலீசார் கைது செய்தனர்.

திருவான்மியூரில் இருந்து கூடுவாஞ்சேரி சென்ற மாநகரப் பேருந்து குரோம்பேட்டை ரயில்வே கேட் அருகிலுள்ள பேருந்து நிறுத்தத்திற்குச் சென்றபோது, அங்கு நின்று கொண்டிருந்த காரை எடுக்குமாறு, ஓட்டுநர் ஹாரன் அடித்துள்ளார். எனினும் வாகனத்தை எடுக்காததால், பேருந்தை இயக்கியபோது, பேருந்தின் பின்பகுதி கார் மீது லேசாக உரசியதாக கூறப்படுகிறது. இதனால் வாகனத்தில் இருந்த பெண் உட்பட 4 பேர், ஓட்டுநர் மற்றும் நடத்துநரை சரமாரியாக தாக்கியுள்ளனர். இதையடுத்து, போலீசார் நடத்திய விசாரணையில், காரில் வந்த பெண், குரோம்பேட்டை லட்சுமிபுரத்தை சேர்ந்த சட்டக் கல்லுாரி மாணவி பிரதீபா ஷாலினி என்பது தெரிய வந்தது. தொடர்ந்து நடத்திய விசாரணைக்கு பிறகு, பிரதீபா ஷாலினி, அவரது தம்பி அஸ்வத் குமார், கணவர் ரஞ்சித் மற்றும் ரஞ்சித்தின் தம்பி திலீப் குமார் ஆகியோரை போலீசார் கைது செய்தனர்.