சென்னையில் பிரபல நடிகர் மகன் அகால மரணம்... தீபாவளி இரவில் அதிர்ச்சி

சென்னையில் பிரபல நடிகர் மகன் அகால மரணம்... தீபாவளி இரவில் அதிர்ச்சி

சென்னை வேளச்சேரியில் அதிவேகமாக சென்ற கார், சாலை தடுப்பு சுவரில் மோதியதில், சின்னத்திரை நடிகரின் மகன் உயிரிழந்த சம்பவம் சோகத்தை ஏற்படுத்தி உள்ளது.

சென்னை ராஜா அண்ணாமலைபுரம் பகுதியை சேர்ந்த சின்னத்திரை நடிகர் கார்த்திக். இவரது மகன் லித்திஷ், தனியார் கல்லூரியில் மூன்றாம் ஆண்டு படித்து வந்தார். நேற்று மாலை தனது நண்பர்களுடன் ஓ.எம்.ஆர் சாலையில் உள்ள விளையாட்டு திடலுக்கு சென்று விட்டு தனது காரில் வீடு திரும்பினார். வேளச்சேரி பகுதியில் அதிவேகமாக வந்த அவருடைய கார், கட்டுப்பாட்டை இழந்து சாலை தடுப்பு சுவரில் மோதி விபத்துக்குள்ளானது.

இந்த விபத்தில் காரை ஓட்டி வந்த லித்திஷை அருகில் இருந்த பொதுமக்கள் மீட்டு, தனியார் மருத்துவமனைக்கு கொண்டு சென்றனர். அவரை பரிசோதித்த மருத்துவர்கள், அவர் ஏற்கனவே உயிரிழந்து விட்டதாக தெரிவித்துள்ளனர். லித்திஷ் உடன் வந்த நண்பர்கள் இருவரும் பலத்த காயங்களுடன் ராயப்பேட்டை அரசு மருத்துவமனையில் அனுமதிக்கப்பட்டுள்ளனர். விபத்து குறித்து போலீசார் விசாரித்து வருகின்றனர்.