சென்னையில் 406 மெட்ரிக் டன் பட்டாசுக் கழிவுகள் அகற்றம்..! வெளியாகிய முக்கிய தகவல் | Chennai

சென்னை மாநகராட்சியில் மட்டும் 406 மெட்ரிக் டன் பட்டாசு கழிவு அகற்றப்பட்டு உள்ளதாக தகவல் வெளியாகி உள்ளது.

தீபாவளி பண்டிகை தினத்தில் வெடிக்கப்பட்ட பட்டாசு கழிவுகளை அகற்றும் பணியில் சென்னை மாநகராட்சி ஊழியர்கள் தீவிரமாக ஈடுபட்டு வந்தனர். அவற்றை லாரிகளில் ஏற்றி திருவள்ளூர் மாவட்டம் கும்மிடிப்பூண்டி சிப்காட் பகுதியில் உள்ள தனியார் தொழிற்சாலைக்கு கொண்டு வந்தனர். நேற்று மாலை நான்கு மணி விவரப்படி 406 மெட்ரிக் டன் பட்டாசு கழிவுகள் இந்த தொழிற்சாலைக்கு கொண்டு வந்து அழிக்கப்பட்டது. இறுதி நாளான இன்று மேலும் 50 முதல் 100 மெட்ரிக் டன் வரை பட்டாசு கழிவுகள் கொண்டு வரப்படும் என தெரிவிக்கப்பட்டுள்ளது. இந்த தொழிற்சாலை மூலம் அழிக்கப்படும் பட்டாசு கழிவுகளால் காற்று மற்றும் நிலம் மாசுபடாத வகையில் பாதுகாப்பு நடவடிக்கைகள் மேற்கொள்ளப்பட்டு வருவது குறிப்பிடத்தக்கது.