பக்தர்களுக்கு ஆசி வழங்கிய ஸ்ரீவிதுசேகர பாரதீ சன்னிதானம் சுவாமிகள்

"விஜய யாத்திரை சென்னை 2024" நிகழ்வுக்காக சென்னை வந்துள்ள சிருங்கேரி ஸ்ரீ சாரதா பீடத்தின் ஸ்ரீ விது சேகர பாரதீ சன்னிதானம் சுவாமிகள் ராஜா அண்ணாமலைபுரத்தில் உள்ள ஐயப்பன் கோவிலில் சாமி தரிசனம் செய்தார். 4ம் தேதி வரை நடைபெறும் பல்வேறு ஆன்மீக நிகழ்ச்சிகளில் கலந்து கொள்ள உள்ள இவர், ராஜா அண்ணாமலைபுரம் ஐயப்பன் கோயிலுக்கு வந்து அங்கு நிர்வாகத்தினர் அளித்த பூரண கும்ப மரியாதையை ஏற்றுக் கொண்டு 18 படிகள் ஏறி சாமி தரிசனம் மேற்கொண்டு பொது மக்களுக்கு ஆசி வழங்கினார். பின்னர் அடையாறு ஆனந்த பத்மநாப சாமி கோவிலில் சாமி தரிசனம் மேற்கொண்டார். அங்கு புதிதாக கட்டப்பட்டுள்ள பிரதோஷ மண்டபத்தின் அடிக்கல்லைத் திறந்து வைத்தார்.