ரிப்பன் மாளிகை அருகே... ரத்த வெள்ளத்தில் ஆண் சடலம் - சென்னையில் அதிர்ச்சி..

சென்னை ரிப்பன் மாளிகை அருகே ரத்த வெள்ளத்துடன் அடையாளம் தெரியாத ஆண் சடலம் கண்டெடுக்கப்பட்டுள்ள சம்பவம் பரபரப்பை ஏற்படுத்தி உள்ளது.

சென்னை பெரியமேடு காவல் நிலையத்திற்கு உட்பட்ட மாநகராட்சி கட்டிட வளாகத்தின் வெளியே, ஆர்.எம்.சாலை சந்திப்பில் 50 வயது மதிக்கத்தக்க ஆண் சடலம் ரத்த வெள்ளத்தில் கிடப்பதாக காவல் கட்டுப்பாட்டறைக்கு தகவல் கிடைத்தது. தகவலின் பேரில் சம்பவ இடத்திற்கு வந்த பெரியமேடு போலீசார், அந்த சடலத்தை மீட்டு ராஜீவ் காந்தி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இறந்த நபர் குறித்து போலீசார் விசாரணை மேற்கொண்டு வருகின்றனர். அவருக்கு உடல்நலக்குறைவால் அவதிப்பட்டாரா அல்லது கொலையா, தற்கொலையா என்ற கோணத்தில் பெரிய மேடு போலீசார் தீவிர விசாரணை மேற்கொண்டு வருகின்றனர்.