நீண்ட நாளுக்கு பின் சென்னையை மீண்டும் குலைநடுங்கவிட்ட கொலை.. மறுநாளே மரண பயம் காட்டிய போலீஸ்..

புதுவண்ணாரப்பேட்டையில் நேற்று முன்தினம் நள்ளிரவில் சரித்திர பதிவேடு குற்றவாளி லோகேஷ் என்பவரை, 6 பேர் கொண்ட மர்மக்கும்பல் படுகொலை செய்துவிட்டு தப்பித்துள்ளது.

இதுகுறித்து தனிப்படை அமைத்து போலீசார் தேடி வந்த நிலையில், புதுவண்ணாரப்பேட்டை நாகூர் தோட்டத்தை சேர்ந்த சொட்டை பிரகாஷ், மதன், திருவொற்றியூர் சாத்து மாநகரை சேர்ந்த சாமியார் கார்த்தி, காசிமேடு அண்ணாநகரை சேர்ந்த தண்டபாணி, சுரேந்தர், பிரகாஷ்ராஜ் ஆகியோரை பழவேற்காட்டில் கைது செய்தனர்.

இதில், சொட்டை பிரகாஷ், திருவெற்றியூர் மாட்டு மந்தை மேம்பாலத்திலிருந்து தப்பிக்க முயன்றபோது மேலிருந்து கீழே விழுந்ததில், வலது கையில் எலும்பு முறிவு ஏற்பட்டது. இதனைத்தொடர்ந்து மருத்துவமனையில் சிகிச்சை அளிக்கப்பட்டு மாவு கட்டு போடப்பட்டுள்ளது. இந்நிலையில், கைது செய்யப்பட்ட அனைவரையும் போலீசார் நீதிமன்றத்தில் ஆஜர்படுத்தி சிறையில் அடைத்தனர்.