போலீஸ் எடுத்த முடிவால் கொந்தளித்த மக்கள் - மெரினாவில் பரபரப்பு காட்சிகள்

சென்னை மெரினாவில் வான்சாகச நிகழ்ச்சியைக் காண வந்த பொதுமக்களை, காமராஜர் சாலையில் இரும்பு தடுப்புகள் வைத்து சுற்றி செல்ல அறிவுறுத்திய போலீசாருடன் பொதுமக்கள் வாக்குவாதம் செய்தனர். நிகழ்ச்சி தொடங்குவதற்கு ஒரு மணி நேரத்திற்கு முன்பாக திடீரென்று லட்சகணக்கான பொதுமக்கள் மெரினா கடற்கரை நோக்கி வரத் தொடங்கியதால் காமராஜர் சாலை முழுவதுமே நெரிசலாக காணப்பட்டது. சாலையில் ஆங்காங்கே இரும்புத் தடுப்புகளை வைத்து, பொதுமக்களை திருப்பி விட்டதால், அவர்கள் நீண்ட தூரம் நடந்து செல்ல வேண்டிய சூழல் ஏற்பட்டது. ஒரு கட்டத்தில் வாக்குவாதம் செய்த பொதுமக்களுக்கும், போலீசாருக்கும் இடையே தள்ளுமுள்ளு ஏற்பட்டது.