தீபாவளி பயணம் - ஜிஎஸ்டி சாலையில் கடும் வாகன நெரிசல் | Chennai | GST Road

தீபாவளி பயணம் - ஜிஎஸ்டி சாலையில் கடும் வாகன நெரிசல் | Chennai | GST ரோடு

தீபாவளி பண்டிகையை கொண்டாட சென்னையில் இருந்து ஒரே நேரத்தில் சொந்த ஊர்களுக்கு புறப்படும் மக்களால் ஜி.எஸ்.டி. சாலையில் கடும் போக்குவரத்து நெரிசல் ஏற்பட்டுள்ளது.

குரோம்பேட்டை ஜி.எஸ்.டி. சாலையில் கடும் ​போக்குவரத்து நெரிசல் ஏற்பட்டது. தீபாவளி பண்டிகையொட்டி ஒரே நேரத்தில் தென் மாவட்டங்களுக்கு படையெடுத்துள்ள மக்களால் வாகனங்கள் அணிவகுத்து, ஊர்ந்து சென்றன.

இதேபோல், தீபாவளி பண்டிகையை கொண்டாட சொந்த ஊர்களுக்கு செல்பவர்களால் கிளாம்பாக்கம் பகுதியில் கடும் போக்குவரத்து நெரிசல் ஏற்பட்டது. கார், இரு சக்கர வாகனம், அரசு பேருந்துகள் என ஒரே நேரத்தில் அதிகப்படியான வாகனங்கள் செல்வதால் போக்குவரத்து ஸ்தம்பித்தது. வாகனங்கள் ஊர்ந்து செல்லும் நிலையில், போக்குவரத்து நெரிசலை சரி செய்யும் பணியில் போலீசார் தீவிரமாக ஈடுபட்டனர்.