வெடித்து சிதறிய மின் இணைப்பு பெட்டி.. நீண்ட நேரமாக வராத தீயணைப்பு துறையினர் - ஊர் மக்கள் செய்த செயல்

நொளம்பூர் காவல் நிலையம் பின்புறத்தில் உள்ள ஏ.கே. நகர் பகுதியில் சுமார் 300-க்கும் மேற்பட்ட குடியிருப்புகள் அமைந்துள்ளன. இந்நிலையில், எதிர்பாராத விதமாக இப்பகுதியில் உள்ள மின் இணைப்பு பெட்டி வெடித்து விபத்துக்குள்ளானது. இதைத் தொடர்ந்து, அக்கம்பக்கத்தினர் தீயணைப்பு துறையினருக்கு தகவல் தெரிவித்தனர். எனினும், தகவல் கூறி வெகு நேரமாகியும் தீயணைப்பு துறையினர் வரவில்லையென அப்பகுதியினர் குற்றம் சாட்டினர். மேலும், மணலைக் கொட்டி தீயை அணைக்கும் முயற்சியிலும் பொதுமக்கள் ஈடுபட்டதாக தெரிகிறது. ஏற்கனவே பல முறை மின் இணைப்பு பெட்டி பழுதடைந்துள்ளதாக புகாரளித்தும், மின் வாரியத்தினர் உரிய நடவடிக்கை எடுக்கவில்லை எனக் கூறப்படுகிறது.