சென்னை பஸ்ஸில் நடந்த சம்பவம்... வெளியான அதிர்ச்சி காட்சிகள்

மதுபோதையில் அரசு பேருந்தில் ஏறிய நபர், தகாத வார்த்தைகள் பேசி பயணிகளுக்கு இடையூறு அளித்ததும், அவரை நடத்துநர் உட்பட அனைவரும் தாக்கிய சம்பவமும் சென்னை, திருவொற்றியூரில் பரபரப்பை ஏற்படுத்தியது. திருவொற்றியூர் பகுதியை சேர்ந்த சிவா என்பவர் கையில் போதிய பணமில்லாமல் மதுபோதையில் பேருந்தில் ஏறிய நிலையில், டிக்கெட் கேட்ட நடத்துநரை தகாத வார்த்தைகளால் திட்டி தகராறு செய்ததாக கூறப்படுகிறது. தொடர்ந்து, நபரின் அத்துமீறல் அதிகமானதால் அவரை நடத்துநர் மற்றும் பேருந்து ஊழியர்கள் தாக்கி போலீசில் ஒப்படைத்த சம்பவம் பெரும் பரபரப்பை ஏற்படுத்தியது.