90 பயணிகளுடன் வானில் வட்டமடித்த விமானம் - காரணம் என்ன..?

சென்னையில் இருந்து 90 பயணிகளுடன் அந்தமான் சென்ற ஏர் இந்தியா விமானம், மீண்டும் சென்னை விமான நிலையம் வந்தடைந்தது. அந்தமானில் நிலவும் மோசமான வானிலை காரணமாக நீண்ட நேரம் தரையிறங்க முடியாமல் வானில் வட்டமடித்த நிலையில் சென்னைக்கு திருப்பி விடப்பட்டது, இதனால் பயணிகள் கடும் சிரமத்திற்கு ஆளாகினர். மீண்டும் நாளை இதே விமானத்தில் பயணிகள் அந்தமானுக்கு அனுப்பி வைக்கப்படுவார்கள் என அதிகாரிகள் தெரிவித்தனர்.