"மாமல்லபுரத்தில் இனி பெண்களை கிண்டல் செய்தால் அவ்வளவு தான்" - பின்னாடியே வரும் கேமரா

செங்கல்பட்டு மாவட்டம் மாமல்லபுரத்தில் சுற்றுலா பயணிகள் என்ற போர்வையில் அத்துமீறும் நபர்களை ஆதாரத்துடன் பிடிக்க புதிய நடவடிக்கை எடுக்கப்பட்டுள்ளது.

மாமல்லபுரம் சுற்றுலா தலத்தில், உடலில் கேமராக்களை பொருத்தியபடியே போலீசார் ரோந்து செல்கின்றனர். இதன்மூலம் சுற்றுலா பயணிகள் என்ற போர்வையில் பெண்களை கிண்டல் செய்பவர்கள், குடித்துவிட்டு ரகளை செய்பவர்கள் மற்றும் வழிப்பறியில் ஈடுபடுபவர்கள் மீது ஆதாரத்துடன் நடவடிக்கை எடுக்க வழிவகை செய்யப்பட்டுள்ளது. இந்த கேமரா 10 மீட்டர் தூரம் வரை துல்லியமாக வீடியோ எடுக்கும் என கூறப்படுகிறது. இந்த கேமராக்களில் எப்போதும் சார்ஜ் இருப்பதை, ரோந்து பணிக்கு செல்லும் போலீசார் உறுதி செய்ய வேண்டும் என்றும் அறிவுறுத்தப்பட்டுள்ளது.