காவிரி ஆற்றில் வந்த பெரிய மலைப்பாம்பு... பீதியில் ஓடிய மக்க

ஒகேனக்கல் காவிரி ஆற்றில் அடித்து வரப்பட்ட மலைப்பாம்பால் மக்கள் அச்சமடைந்தனர். நீர்ப்பிடிப்பு பகுதிகளில் தொடர்ந்து பெய்து வரும் கனமழையால் ஒகேனக்கல் காவிரி ஆற்றில் ஒன்றரை லட்சம் கன அடி தண்ணீர் வந்து கொண்டிருக்கிறது. கரையோர குடியிருப்புகளை சூழ்ந்தபடி வெள்ளம் சீறி பாய்ந்து வரும் சூழலில், ஆற்று நீரில் ஒரு மலைப்பாம்பு அடித்து வரப்பட்டது. ஒகேனக்கல் சின்னாறு மீன் மார்க்கெட் அருகே அந்த மலைப்பாம்பு செல்வதை பார்த்த பொதுமக்கள் பீதி அடைந்தனர். தகவலறிந்து வந்த தீயணைப்பு படையினர் மலைப்பாம்பை பாதுகாப்பாக பிடித்து சென்றனர்.