டிக்கெட்டுக்கு கிடைக்காத சில்லறை.. அரசு பேருந்தில் பயங்கர வாக்குவாதம் - கோவையில் பரபரப்பு

பாப்பநாயக்கன்புதூரை சேர்ந்த ராஜேஷ் என்பவர், கோவை ரயில் நிலை சந்திப்பு பேருந்து நிலையத்தில் தனது அம்மாவுடன் 1C என்ற வழித்தட பேருந்தில் பயணம் செய்துள்ளார். பேருந்தில் ஏறும் போதே நடத்துனர் விவேக் பெண் பயணிகளை ஓசி டிக்கெட் என வசைபாடியதாகவும், தான் ஆறு ரூபாய் டிக்கெட்டிற்கு 11 ரூபாய் கொடுத்தும், சில்லறை தராமல் தரக்குறைவாக பேசியதாகவும் ராஜேஷ் சாடியுள்ளார். இதனால் இருவருக்கும் இடையே வாக்குவாதம் ஏற்பட்ட நிலையில், பேருந்தை பாதியில் நிறுத்தி, தங்களை வலுக்கட்டாயமாக கீழே இறக்கிவிட்டதாக ராஜேஷ் புகார் அளித்துள்ளார்