சென்னைக்கு சிட்டாக பறந்த கார்-ஆம்னி பஸ்ஸில் மோதி பயங்கரம்-உடல் நசுங்கி துடிதுடித்து பிரிந்த உயிர்கள்

செங்கல்பட்டு மாவட்டம் ஊரப்பாக்கம் அருகே கார் - ஆம்னி பேருந்து நேருக்கு நேர் மோதிய விபத்தில் 2 இளைஞர்கள் சம்பவ இடத்திலேயே பரிதாபமாக உயிரிழந்தனர்.

பொத்‌தேரி பகுதியை சேர்ந்த தீபக், ரூபேஷ் மற்றும் நவீன் ஆகிய 3 பேரும், காரில் சென்னை நோக்கி சென்று கொண்டிருந்தனர். அப்போது ஊரப்பாக்கம் அருகே சென்றபோது கட்டுப்பாட்டை இழந்த கார் சென்டர் மீடியனை தாண்டி எதிர் திசையில் சென்ற ஆம்னி பேருந்து மீது மோதி விபத்துக்குள்ளானது. இந்த விபத்தில் தீபக், ரூபேஷ் ஆகியோர் சம்பவ இடத்திலேயே பரிதாபமாக உயிரிழந்தனர். படுகாயம் அடைந்த நவீன் சிகிச்சைக்காக தாம்பரத்தில் உள்ள தனியார் மருத்துவமனையில் அனுமதிக்கப்பட்டுள்ளார். இந்த சம்பவம் குறித்து வழக்குப்பதிவு செய்த தாம்பரம் போக்குவரத்து புலனாய்வு பிரிவு போலீசார் மேற்கொண்டு விசாரணை நடத்தி வருகின்றனர்.