டாக்டர் மீது கொடூர தாக்குதல்.. நடு ரோட்டில் லாரி டிரைவர்கள் அட்ராசிட்டி.. கதறி துடித்த மனைவி

சென்னை பல்லாவரத்தை சேர்ந்தவர் மருத்துவர் மேகசியான். மருத்துவராக பணியாற்றி வரும் இவர், தனது மனைவியுடன் சேர்ந்து பல்லாவரத்தில் இருந்து துரைப்பாக்கத்திற்கு காரில் சென்றுள்ளார். அப்போது, அதிவேகத்தில் வந்த லாரின் ஒன்று, கார் மீது மோதிவிட்டு நிற்காமல் சென்றதாக கூறப்படுகிறது. உடனே, லாரியை துரத்தி சென்று மறித்த மேகசியான், லாரி ஓட்டுநரிடம் சண்டையிட்ட நிலையில், மருத்துவரையும், அவரது மனைவியையும் லாரி ஓட்டுநர் தகாத வார்த்தையில் திட்டியதாக தெரிகிறது. மேலும், சம்பவ இடத்திற்கு வந்த லாரி ஓட்டுநரின் நண்பர் ஒருவர், திடீரென மருத்துவரை தாக்க ஆரம்பித்தது பெரும் பரபரப்பை ஏற்படுத்தியது.