நடுரோட்டில் பெண்ணை எட்டி உதைத்து, தாக்கிய பாஜக கவுன்சிலர்..! - வெளியான அதிர்ச்சி வீடியோ

கன்னியாகுமரி அருகே, பெண் ஒருவரை பாஜக யூனியன் கவுன்சிலர் காலால் எட்டி உதைக்கும் காட்சி சமூக வலைதளங்களில் வைரலாகி வருகிறது.

மார்த்தாண்டம் அருகே அதங்கோடு பகுதியை சேர்ந்தவர் சரோஜா. இவருக்கும் அதே பகுதியை சேர்ந்த மற்றொரு பெண்ணுக்கும் இடையே சொத்து தொடர்பாக பிரச்சினை இருந்து வந்துள்ளது. இந்த நிலையில், இரு தரப்பினருக்கும் இடையே மீண்டும் தகராறு ஏற்பட்டபோது, அதே பகுதியை சேர்ந்த பாஜக யூனியன் கவுன்சிலரான சாவர்க்கர் மற்றும் மெதுகும்மல் ஊராட்சி தலைவர் சசிகுமார் உள்ளிட்டோர், சரோஜாவை தாக்கியதாக தெரிகிறது. இந்த நிலையில், சரோஜாவை சாவர்க்கர் எட்டி உதைக்கும் காட்சி அப்பகுதியில் நின்று கொண்டிருந்த ஒருவர் செல்போனில் வீடியோ பதிவு செய்து சமூக வலைதளங்களில் பகிர்ந்தார். காயமடைந்த சரோஜா மருத்துவமனையில் அனுமதிக்கப்பட்ட நிலையில், காவல்துறை உரிய பாதுகாப்பு அளிக்க வேண்டும் என அவர் கோரிக்கை விடுத்துள்ளார்.