"நல்ல வேள நம்மள யாரும் பாக்கல"கொட்டும் மழையில் வெறும்காலோடு அசால்டாக பைக்கை திருடிய நபர் காட்டிக்கொடுத்த மூன்றாவது கண்

திண்டுக்கல் மாவட்டம் வேடசந்தூர் அருகே குடியிருப்பு பகுதியில் நிறுத்தி வைக்கப்பட்டிருந்த இருசக்கர வாகனத்தை அசால்டாக திருடிச் செல்லும் இளைஞரின் சிசிடிவி காட்சி வெளியாகியுள்ளது. ஆத்துமேடு வ.உ.சி நகரில் வாடகை வீட்டில் வசித்துவருபவர் காளிதாஸ். இவர் ஜேசிபி ஆபரேட்டராக பணியாற்றிவருகிறார். இந்நிலையில் நேற்றிரவு வேலை முடித்துவிட்டு தனது இருசக்கர வாகனத்தை வீட்டின் கீழ் பகுதியில் உள்ள இடத்தில் நிறுத்திவிட்டு வீட்டிற்கு சென்று உள்ளார். சிறிது நேரம் கழித்து அங்குவந்த அடையாளம் தெரியாத இளைஞர் ஒருவர் அங்கும் இங்குமாய் சுற்றித் திரிந்து நோட்டமிட்டு, யாரும் இல்லாததை அறிந்து பைக்கை அங்கிருந்து திருடிச் சென்றார். புகாரின் அடிப்படையில் சிசிடிவி காட்சியை வைத்து வேடசந்தூர் போலீசார் அந்த இளைஞரை தேடி வருகின்றனர்.