தியேட்டர் கழிவறையில் வீடியோ எடுத்த மர்மநபர்.. பெண் பரபரப்பு புகார்! மக்களே உஷார்

பெங்களூருவில் தியேட்டர் ஒன்றில் பெண் ஒருவர் கழிவறைக்கு சென்ற போது, மர்மநபர் வீடியோ எடுத்ததாக போலீசில் புகார் அளிக்கப்பட்டுள்ளது.

கர்நாடக தலைநகர் பெங்களூருவில் கடந்த வாரம் பிரபல காபி கடையில் பெண்கள் கழிவறைக்குள் செல்போன் வைத்து வீடியோ எடுத்ததாக அதன் ஊழியர் கைது செய்யப்பட்டார். இந்த பரபரப்பு ஓய்வதற்குள், பெங்களூருவில் உள்ள ஊர்வசி திரையரங்கத்தில் படம் பார்க்க சென்ற இளம்பெண், இடைவேளை நேரத்தில் கழிவறைக்குச் சென்றபோது அங்கு ஜன்னல் வழியாக ஒருவர் வீடியோ பதிவு செய்வதை பார்த்து அதிர்ச்சியடைந்துள்ளார். இதுகுறித்து அந்த இளம்பெண் காமாட்சி பாளையம் காவல்நிலையத்தில் அளித்த புகாரின் பேரில் போலீசார் விசாரித்து வருகின்றனர்.