ஆட்டோக்கள் மட்டுமே டார்கெட்..கடைசியில் வசமாக சிக்கிய கயவன்..சிறப்பு கவனிப்பு செய்த போலீசார்

வேலூர் மாவட்டத்திற்கு உட்பட்ட பகுதிகளில் பயணிகள் ஆட்டோ தொடர்ந்து திருடப்படுவதாக புகார் எழுந்தது. இந்நிலையில், பிள்ளையார்குப்பம் பகுதியில் போலீசார் வாகன தணிக்கையில் ஈடுபட்டிருந்தபோது, அவ்வழியாக வந்த ஆட்டோவை நிறுத்தி விசாரணை மேற்கொண்டனர். அதில், திருடிவரப்பட்ட ஆட்டோ என்பது தெரியவந்ததை அடுத்து, அதனை ஓட்டிவந்த கோவிந்தராஜ் என்பவரை போலீசார் கைது செய்தனர். அவரிடம் நடத்திய விசாரணையில் பல்வேறு பகுதிகளில் பயணிகள் ஆட்டோவை திருடி, நம்பர் பிளேட் மாற்றி, வெளி மாநிலங்களில் விற்றுவந்தது அம்பலமானது. தொடர்ந்து அவரிடமிருந்து 13 ஆட்டோக்களை பறிமுதல் செய்த போலீசார், அவரை நீதிமன்றத்தில் ஆஜர்படுத்தி சிறையில் அடைத்தனர்.