மதத்தை கடந்த மனிதநேயம் - கும்பாபிஷேக விழாவில் நெகிழ்ச்சி

ஜெயங்கொண்டம் அருகே இந்து கோயில் கும்பாபிஷேக விழாவில் கிறிஸ்தவ பாதிரியார்கள் பங்கேற்று சிறப்பித்த சம்பவம் நெகிழ்ச்சியை ஏற்படுத்தி உள்ளது. இந்துக்களும், கிறிஸ்தவர்களும் கணிசமாக வாழும் நடுவலூர் கிராமத்தில் இந்த சம்பவம் நிகழ்ந்துள்ளது. இந்த கிராமத்தில் உள்ள விநாயகர், மாரியம்மன், அய்யனார், ஐயப்பன் கோயில்களில் நடைபெறும் கும்பாபிஷேகத்துக்கு வருமாறு கிறிஸ்தவ பாதிரியார்களுக்கும் கிராம மக்கள் அழைப்பு விடுத்திருந்தனர். அந்த அழைப்பை ஏற்று வந்த பாதிரியார்கள், கோவில் கோபுரத்தின் உச்சி வரை சென்று, கும்பாபிஷேக விழாவை முன்னின்று நடத்தினர். அவர்களுக்கு ஊர் பொதுமக்கள் சார்பில் சிறப்பு செய்யப்பட்டது.