#JUSTIN | தீபாவளி ஊருக்கு போக ரெடியா..? - வந்தாச்சு அதிரடி அறிவிப்பு

தீபாவளி பண்டிகைக்காக பயணம் மேற்கொள்ளும் ரயில் பயணிகளின் வசதிக்காக, தாம்பரம் - நாகர்கோயில், மங்களூரு - தாம்பரம், நாகர்கோயில் - மங்களூர் ஆகிய மூன்று வழிதடத்தில் சிறப்பு ரயில்கள் இயக்கப்படும் என தெற்கு ரயில்வே அறிவித்துள்ளது.

வரும் 10, 17 மற்றும் 24 ஆகிய தேதிகளில் தாம்பரத்தில் இருந்து நாகர்கோவிலுக்கு சிறப்பு ரயில் இயக்கப்பட உள்ளது.

நாகர்கோயில் மங்களூர் இடையே வரும் 11, 18 மற்றும் 25 ஆகிய தேதி சிறப்பு ரயில் இயக்கப்பட உள்ளது.

மங்களூரு - தாம்பரம் இடையே, கோழிக்கோடு, பாலக்காடு, சேலம், அரக்கோணம் வழியாக சென்னை தாம்பரம் வந்தடையும் வகையில் வரும் 12, 19 மற்றும் 26 ஆகிய தேதிகளில் சிறப்பு ரயில் இயக்கப்படும் என தெற்கு ரயில்வே தெரிவித்துள்ளது.

இந்த மூன்று சிறப்பு ரயில்களுக்கான முன்பதிவு தொடங்கப்பட்டுள்ளதாகவும் தெரிவித்துள்ளது