கெஜ்ரிவால் Vs மோடி... சிங்கம்' படம் எடிட்டிங் - பட்டைய கிளப்பும் ஆம் ஆத்மி

வடமாநிலங்களில் பிரசாரம் சூடுபிடிக்க, சினிமா காட்சிகளை எடிட் செய்தும் அரசியல் கட்சிகள் பிரசாரம் செய்து வருகின்றன. அந்த வகையில் ஆம் ஆத்மி கட்சி தமிழில் இருந்து இந்திக்கு ரீமேக் செய்யப்பட்ட சிங்கம் பட காட்சியை வைத்து பிரசார வீடியோவை வெளியிட்டுள்ளது. ஹீரோ அஜய் தேவ்கானை கெஜ்ரிவாலாகவும், வில்லன் பிரகாஷ் ராஜ்ஜை மோடியாகவும் சித்தரிக்கப்பட்டுள்ளது. படத்தில் தொடக்க காட்சியில் காவல் நிலையம் வரழைத்த அஜய் தேவ்கானை பிரகாஷ் ராஜ் மிரட்டுவார். அப்போது தேவ்கானுக்கு மக்கள் துணை நிற்பது போல் காட்சி இடம் பெற்றிருக்கும். அதுபோல் மோடி கெஜ்ரிவாலை மிரட்டுவது போலும், மக்கள் கெஜ்ரிவாலுக்கு துணை நிற்பது போலும், இறுதியில் மோடியை விரட்டுவது போலவும் காட்சி வடிவமைக்கப்பட்டுள்ளது.