கட்டித் தழுவிக்கொண்ட சீமான் அண்ணாமலை - அதிமுக முன்னாள் அமைச்சர்கள் கொடுத்த ரியாக்ஷன்
கட்டித் தழுவிக்கொண்ட சீமான் அண்ணாமலை - அதிமுக முன்னாள் அமைச்சர்கள் கொடுத்த ரியாக்ஷன்
கோவையில் ஜெம் மருத்துவமனை தலைவரான, மருத்துவர் பழனிவேல் எழுதிய GUTS என்ற புத்தக வெளியீட்டு விழா நடைபெற்றது. அமைச்சர் அன்பில் மகேஷ் பொய்யாமொழி மற்றும் டாடா குழும தலைவர் சந்திரசேகர் ஆகியோர் புத்தகத்தை வெளியிட்டனர். இந்த நிகழ்ச்சியில் தமிழக பாஜக தலைவர் அண்ணாமலை, நாம் தமிழர் கட்சி ஒருங்கிணைப்பாளர் சீமான், பாமக தலைவர் அன்புமணி, அதிமுக முன்னாள் அமைச்சர்கள் என பல அரசியல் பிரமுகர்கள் கலந்து கொண்டனர். கோவையின் பிரபல மருத்துவர்கள் மற்றும் தொழில் அதிபர்களும் இந்த விழாவில் பங்கேற்றனர்.
முன்னதாக நிகழ்ச்சியில் மேடையில் இருந்து கீழே இறங்கிய பாஜக மாநில தலைவர் அண்ணாமலை, முன் வரிசையில் அமர்ந்திருந்த நாம் தமிழர் கட்சி ஒருங்கிணைப்பாளர் சீமானை கட்டித்தழுவி வாழ்த்து தெரிவித்தார். அதிமுக முன்னாள் அமைச்சர்கள் செங்கோட்டையன், எஸ்.பி.வேலுமணி, காமராஜ் ஆகியோர் அண்ணாமலைக்கு வணக்கம் தெரிவித்தனர். முன்னாள் அமைச்சர் தங்கமணி மட்டும், மரியாதை நிமித்தமாக அண்ணாமலையுடன் கைகுலுக்கி கொண்டார்.
