மகிஷாசுரமர்த்தினி அலங்காரத்தில் வந்த அங்காளம்மன் - திரண்ட திரளான பக்தர்கள்

விழுப்புரம் மாவட்டம் மேல்மலையனூரில் உள்ள அங்காளம்மன் கோயிலில், நவராத்திரி திருவிழா விமரிசையாக நடைபெற்று வருகிறது. இதன் 8ஆம் நாள் நிகழ்வில், உற்சவர் அங்காளம்மன் மகிஷாசுரமர்த்தினி அலங்காரத்தில் பக்தர்களுக்கு காட்சி அளித்தார். தொடர்ந்து நவராத்திரி விழாவில், பூசாரிகள் பஜனை பாடல்கள் பாடியும், கதை விளக்கம் கூறியும் அம்மனுக்கு நெய்வேத்யம் கொடுத்து ஆராதனை செய்தனர். இதில், பக்தர்கள் ஏராளமானோர் பங்கேற்று அங்காளம்மன் அருள் பெற்றனர்.