வீடுகளை நோட்டமிட்டு கொள்ளை.. ஆட்டம் காட்டிய ஆந்திர கும்பல்

மதுராந்தகம் அருகே, வீடுகளை நோட்டமிட்டு கொள்ளை சம்பவத்தில் ஈடுபட்டு வந்த ஆந்திராவை சேர்ந்த 7 பேர் கொண்ட கும்பலை போலீசார் கைது செய்தனர்.

மதுராந்தகம் காவல்நிலைய உட்பட்ட பகுதிகளில், கேஸ் சிலிண்டர் அடுப்பு ரிப்பேர் செய்வது, தலைமுடி வாங்குவதாகக் கூறி, வீடுகளை நோட்டமிட்டு கொள்ளையடித்து வந்த ஆந்திராவை சேர்ந்த 3 பேர் கொண்ட கும்பலை போலீசார் கைது செய்தனர். அவர்களிடம் நடத்திய விசாரணைியில், கைதான நபர்கள், துர்கா பிரசாத், விக்கி, பிரகாஷ் என தெரியவந்தது. இவர்களிடம் இருந்து 8 சவரன் நகை, அரை கிலோ வெள்ளிப் பொருட்கள் ஆகியவற்றை பறிமுதல் செய்தனர். மேலும் விசாரணையின்போது, கைதானவர்களின் நண்பர்கள் இருவர் செய்யூர் காவல் நிலையத்திலும், அணைக்கட்டு காவல் நிலையத்தில் இருவரும் கைது செய்த காவல்துறையினர், வழக்குப் பதிவு செய்து சிறையில் அடைத்தனர்.