நடுரோட்டில் ரத்த வெள்ளத்தில் சீரியல் பிரபலத்தின் வாரிசு.. நண்பர்களுக்கும் நேர்ந்த கதி.. கொடூர காட்சி

நடுரோட்டில் ரத்த வெள்ளத்தில் சீரியல் பிரபலத்தின் வாரிசு.. நண்பர்களுக்கும் நேர்ந்த கதி.. கொடூர காட்சி

சென்னை வேளச்சேரியில் அதிவேகமாக சென்ற கார், கட்டுப்பாட்டை இழந்து சாலை தடுப்பு சுவரில் மோதியதில், சின்னத்திரை நடிகரின் மகன் உயிரிழந்த சம்பவம் சோகத்தை ஏற்படுத்தி உள்ளது.

சென்னை ராஜா அண்ணாமலைபுரம் பகுதியை சேர்ந்த சின்னத்திரை நடிகர் கார்த்திக். இவருடைய மகன் லித்திஷ், தனியார் கல்லூரியில் மூன்றாம் ஆண்டு படித்து வந்தார். தீபாவளி​யை முன்னிட்டு நேற்று விடுமுறை நாள் என்பதால், தனது நண்பர்களுடன் ஓஎம்ஆர் சாலையில் உள்ள விளையாட்டு திடலுக்கு சென்றுள்ளார். பின்னர் தனது காரில் நண்பர்களுடன் வீட்டுக்குக் திரும்பியுள்ளார்.

வேளச்சேரி பகுதியில் வந்து கொண்டிருந்தபோது, அதிவேகமாக வந்த அவருடைய கார், கட்டுப்பாட்டை இழந்து சாலை நடுவே அமைக்கப்பட்டுள்ள தடுப்பு சுவரில் மோதி விபத்துக்குள்ளானது.

இந்த விபத்தில் காரை ஓட்டி வந்த லித்திஷும், அவருடைய நண்பர்கள் 2 பேரும் பலத்த காயமடைந்தனர். ரத்த வெள்ளத்தில் இருந்த லித்திஷை அருகில் இருந்த பொதுமக்கள் மீட்டு தனியார் மருத்துவமனைக்கு கொண்டு சென்றனர். அங்கு அவரை பரிசோதித்த மருத்துவர்கள், அவர் ஏற்கனவே உயிரிழந்து விட்டதாக தெரிவித்துள்ளனர்.

லித்திஷ் உடன் வந்த நண்பர்கள் 2 பேரும், ராயப்பேட்டை அரசு மருத்துவமனையில் அனுமதிக்கப்பட்டுள்ளனர். தீபாவளி பண்டிகை அன்று நண்பர்களுடன் விளையாட சென்ற கல்லூரி மாணவன், கார் விபத்தில் சிக்கி உயிரிழந்த சம்பவம் பெரும் சோகத்தை ஏற்படுத்தி உள்ளது.