ஹாஸ்டல் சாப்பாட்டில் பூச்சி-போராட்டத்தில் குதித்த பெற்றோர்-மாணவர்களை காரை வைத்து இடித்த தாளாளர்

தென்காசி மாவட்டம் சிவலார்குளம் பகுதியில் தனியார் பாலிடெக்னிக் மற்றும் நர்சிங் கல்லூரி இயங்கி வருகிறது. இந்தநிலையில், இக்கல்லூரி விடுதியில் வழங்கப்பட்ட உணவில் இறந்த கரப்பான் பூச்சிகள் கிடந்ததாக கூறி, மாணவ - மாணவிகளும், அவரது பெற்றோர்களும் கல்லூரியை முற்றுகையிட்டனர். அப்போது அவர்கள், கல்லூரி மாணவர்கள் இருவரை கல்லூரியின் தாளாளரும், அவரது மகனும் காரை விட்டு இடித்ததாகவும், இது குறித்து புகார் அளித்தும் போலீசார் நடவடிக்கை எடுக்கவில்லை எனவும் குற்றஞ்சாட்டினர். தொடர்ந்து போராட்டத்தில் ஈடுபட்டவர்களிடம் ஆலங்குளம் டிஎஸ்பி, பேச்சுவார்த்தை நடத்தினார். அப்போது அவருக்கும் மாணவிகளுக்கும் இடையே வாக்குவாதம் ஏற்பட்டதால் பரபரப்பு ஏற்பட்டது.