மின்னல் வேகத்தில் சீறி வந்த கார்.. 3 பைக்கை பறக்கவிட்ட அதிர்ச்சி காட்சி | Virudhunagar

தென்காசி மாவட்டம் சொக்கம்பட்டியில் கட்டுபாட்டை இழந்த கார் ஓன்று, எதிரே இரு சக்கர வாகனத்தில் வந்த மூவரின் மீது மோதிய சிசிடிவி வெளியாகி பரவி வருகிறது.

விருதுநகர் மாவட்டம் ராஜபாளையத்தில் இருந்து குற்றாலம் நோக்கி விரைந்த கார் ஒன்று, கடையநல்லூர் அருகேயுள்ள சொக்கம்பட்டியில் கட்டுபாட்டை இழந்து சீறியுள்ளது. இதில், இரு சக்கர வாகனத்தில் எதிரில் வந்த மூவர் மீது கார் நேருக்கு நேர் மோதியது அதிர்ச்சியை ஏற்படுத்திய நிலையில், மூவரும் அதிர்ஷ்டவசமாக தப்பினர். இந்த சம்பவத்தின் சிசிடிவி காட்சிகள் இணையத்தில் வெளியாகி பரவி வரும் நிலையில், தங்கள் கிராமத்தில் இதுபோன்று விபத்து தொடர்ந்து அரங்கேறுவதாகவும், கிராம சாலையில் சென்டர் மீடியன் வைக்குமாறும் கிராம மக்கள் கோரிக்கை விடுத்து வருகின்றனர்.