பெண்களின் உள்ளாடைகளை மட்டும் திருடும் சைக்கோ..!சென்னையில் அதிர்ச்சி சம்பவம்

சென்னை, கிழக்கும் தாம்பரம் அருகே இரும்புலியூர் சுற்றுவட்டார பகுதிகளில், சில மர்மநபர்கள் நள்ளிரவில் வலம் வருவதாகவும், பெண்களின் காலணிகள் மட்டும் இருக்கும் வீடுகளை நோட்டமிட்டு அத்துமீறலில் ஈடுபட்டு வருவதாகவும் தொடர் புகார்கள் வந்துள்ளன. நள்ளிரவில் கதவை தட்டும் மர்மநபர்கள், வெளியே வரும் பெண்களிடம் பாலியல் ரீதியாக அத்துமீறியும், அவர்கள் அணிந்திருக்கும் நகைகள் மற்றும் வீட்டின் வெளியே இருக்கும் பெண்களின் உள்ளாடைகளை திருடி செல்வதாகவும் கூறப்படுகிறது. இதே பாணியில் சென்னை,ஆதம்பாக்கம் சுற்று வட்டாரப் பகுதிகளில் கடந்தாண்டு தொடர் புகார்கள் வந்த நிலையில், சைக்கோ இளைஞர் ஒருவரை போலீசார் கைது சிறையில் அடைத்தனர். இந்நிலையில், அதே பாணியில் தாம்பரம் அருகே சம்பவம் நடைபெறுகிறதா என சந்தேகம் கொண்ட போலீசார், அப்பகுதி சிசிடிவி காட்சிகளை கைப்பற்றி ஆய்வு செய்த போது, இரு மர்மநபர்கள் சந்தேகத்திற்கு இடமளிக்கும் விதமாக சுற்றித்திரிந்தது அதிர்ச்சியை ஏற்படுத்திய நிலையில், தீவிர விசாரணை நடத்தி வருகின்றனர்.