தள்ளாடும் வயதிலும் மனைவியை கத்தியால் குத்தி கொலை செய்த கணவன் - வாக்குமூலத்தில் வெளிவந்த உண்மை

பென்னாகரம் அருகே நடத்தையில் சந்தேகப்பட்டு மனைவியை கொலை செய்த முதியவரை போலீசார் கைது செய்தனர்.தருமபுரி மாவட்டம் பெரியூரை சேர்ந்த முதியவர் பெருமாள் மற்றும் அவரது மனைவி தனத்திற்கு இடையே அடிக்கடி குடும்ப தகராறு இருந்து வந்துள்ளது. வழக்கம் போல் நேற்று இரவு இருவருக்கும் இடையே தகராறு ஏற்பட்டுள்ளது. அதன் பிறகு தூங்கி கொண்டு இருந்த தனத்தின் கழுத்தில் பெருமாள் கத்தியால் குத்தியுள்ளார். தொடர்ந்து அவரை கழுத்தை நெரித்து கொலை செய்துள்ளார். இது குறித்த தகவல் அறிந்து சம்பவ இடத்திற்கு சென்ற போலீசார் பெருமாளை கைது செய்தனர். வேறொருவருடன் கள்ளத்தொடர்பில் இருப்பதாக சந்தேகப்பட்டு தனத்தை கொலை செய்ததாக பெருமாள் வாக்குமூலம் அளித்ததாக போலீசார் தெரிவித்துள்ளனர்.