வீட்டில் நின்ற வாகனத்திற்கு ரூ.1000அபராதம்.. இணையத்தில் வீடியோ வெளிட்ட மாற்றுத்திறனாளி

திருப்பத்தூரை சேர்ந்த மாற்றுத்திறனாளி ஒருவர், வீட்டில் நிறுத்தப்பட்டுள்ள இருசக்கர வாகனத்திற்கு கூட போலீசார் அபராதம் விதிப்பதாக குற்றஞ்சாட்டும் வீடியோ, வைரலாகி வருகிறது. அந்த வீடியோவில் அவர், அனைத்து விதிமுறைகளையும் பின்பற்றி இருசக்கர வாகனத்தில் பயணித்தபோதும், குருசிலாப்பட்டு போலீசார் தங்களுக்கு ஆயிரம் ரூபாய் அபராதம் விதித்திருப்பதாக கூறியுள்ளார். சில மாதங்களுக்கு முன்பு, வீட்டில் நிறுத்தப்பட்டிருந்த இருசக்கர வாகனத்திற்கும், போலீசார் அபராதம் விதித்ததாக தெரிவித்துள்ளார். சாப்பிடுவதற்கே தாங்கள் கஷ்டப்படுவதாக குறிப்பிட்ட அவர், இந்த விவகாரத்தில் உயரதிகாரிகள் நடவடிக்கை எடுக்க வேண்டுமென வலியுறுத்தியுள்ளார்