வாயில் காயத்துடன் சுற்றித்திரிந்த பெண் யானை உயிரிழப்பு

கோவை அருகே, வாயில் காயத்துடன் சுற்றித்திரிந்த காட்டு யானை, வனத்துறையினர் தீவிர முயற்சி எடுத்தும் சிகிச்சை பலனின்றி உயிரிழந்தது.

தடாகம் அடுத்த வீரபாண்டி பகுதியில் உடல்நலம் பாதிக்கப்பட்டு இருந்த யானையை, தகவலின் பேரில் வனத்துறையினர் மீட்டனர். பரிசோதனையில், 6 வயது பெண் யானை வாயில் ஏற்பட்ட காயம் காரணமாக உணவு உண்ண முடியாமல், உடல் மெலிந்து காணப்பட்டது தெரியவந்தது. தொடர்ந்து யானைக்கு குளுக்கோஸ் மூலம் மருந்து செலுத்தப்பட்டு சிகிச்சை அளிக்கப்பட்டு வந்த நிலையில், பிற்பகலில் யானை சிகிச்சை பலனின்றி உயிரிழந்தது. இதனையடுத்து நாட்டு வெடியை கடித்து யானைக்கு காயம் ஏற்பட்டதா? அல்லது வேறு ஏதேனும் காரணமா என வனத்துறையினர் விசாரணை மேற்கொண்டுள்ளனர்.