ரத்தவெள்ளத்தில் கிடந்த விவசாயி... சிக்கிய இளைஞர்... ஊராரை அதிர வைத்த வாக்குமூலம்

பெரியானுர் செட்டிபட்டி கிராமத்தை சேர்ந்த நாகராஜன் என்பவர், தனது விவசாய தோட்டத்தில் ரத்த வெள்ளத்தில் சடலமாக கண்டெடுக்கப்பட்டார். இது குறித்து வழக்குப் பதிவு செய்த பஞ்சப்பள்ளி போலீசார், புதுப்பேட்டையை சேர்ந்த சதீஷ் என்பவரை கைது செய்தனர். அவரிடம் போலீசார் நடத்திய விசாரணையில், தனது தாய் ரத்னாவுடன் நாகராஜன் திருமணத்தை மீறிய உறவில் இருந்ததாகவும், அதை கைவிடுமாறு பலமுறை கூறியும் உறவை தொடர்ந்ததால் நாகராஜனை வெட்டி கொலை செய்ததாகவும் வாக்குமூலம் அளித்தார். தொடர்ந்து, கொலைக்கு பயன்படுத்திய பட்டாக்கத்தியை பறிமுதல் செய்த போலீசார், சதீஷை நீதிமன்றத்தில் ஆஜர்படுத்தி தருமபுரி சிறையில் அடைத்தனர்.