குலதெய்வத்தை கும்பிட்டு வீடு திரும்பிய போது விபரீதம்-100 அடி பள்ளத்தில் பாய்ந்த கார்

நீலகிரி மாவட்டம் கூடலூரை சேர்ந்த 30 பேர் 3 வாகனங்களில் குல தெய்வம் வழிபாடு முடித்துவிட்டு குன்னூர் மலைபாதையில் திரும்பி வந்து கொண்டிருந்துள்ளனர். அப்போது ஒரு கார் மட்டும் கட்டுப்பாட்டை இழந்து 100 அடி பள்ளத்தில் கவிழ்ந்தது விபத்திற்க்குள்ளாகியுள்ளது. இதில் காரில் இருந்த கூடலூர் பகுதியை சேர்ந்த குமார் என்பவரும் அவருடைய அண்ணன் மகள் சந்தியா ஆகியோர் எவ்வித காயமின்றி அதிர்ஷ்ட வசமாக உயிர் தப்பியுள்ளனர். உடனே சம்பவ இடத்திற்கு விரைந்த குன்னூர் போலீசார் கிரேன் உதவி மூலம் காரை மீட்டனர். இச்சம்பவம் குறித்து குன்னூர் நகர போலீசார் விசாரணை நடத்தி வருகின்றனர்.