10ம் வகுப்பு மாணவன் வலையில் சிக்கிய 6ம் வகுப்பு மாணவன்.. இறுதியில் நடந்த ட்விஸ்ட்

திருப்போரூர் அருகே, 6ம் வகுப்பு பள்ளி மாணவனை மிரட்டி, பணம் மற்றும் நகைகளை பறித்த10ம் வகுப்பு மாணவனை போலீசார் கைது செய்தனர்.

திருப்போரூர் அருகே சிறுதாவூர் பகுதியை சேர்ந்த 6ம் வகுப்பு மாணவனுக்கு செல்போன் மீது ஆசை வந்துள்ளது. இந்த விவகாரம் அதே பள்ளியில் பயிலும் 10ம் வகுப்பு மாணவனுக்கு தெரியவர, வீட்டிலிருந்து பணத்தை எடுத்துக் கொண்டு வந்தால், செல்போன் வாங்கித் தருவதாக கூறியுள்ளான். அதனைத் தொடர்ந்து, தனது வீட்டிலிருந்து சிறுக சிறுக மாணவன் பணத்தை எடுத்து வந்து கொடுக்க, 10 ஆயிரம் ரூபாயில் செல்போன் ஒன்றை அந்த 10ம் வகுப்பு மாணவன் வாங்கிக் கொடுத்துள்ளார். ஆனால், சிறுவன் வீட்டில் பணத்தை திருடி எடுத்து வந்ததை அறிந்த 10ம் வகுப்பு மாணவன், பெற்றோரிடம் கூறாமல் இருக்க, வீட்டில் இருந்து பணம் மற்றும் நகையை எடுத்துக் கொண்டு வருமாறு மிரட்டியுள்ளான். இதனால் பயந்துபோன சிறுவன், வீட்டிலிருந்து நகை மற்றும் பணத்தை திருடி வந்து கொடுத்துள்ளான். இந்த விவகாரம் பெற்றோருக்கு தெரியவர, சிறுவனிடம் விசாரணை நடத்தினர். அதனைத் தொடர்ந்து விவகாரம் தெரியவர, புகாரின் பேரில், 10ம் வகுப்பு மாணவனை போலீசார் கைது செய்து, சிறுவர் சீர்த்திருத்தப் பள்ளியில் சேர்த்தனர்.