பட்ட பகலில் நடந்த பயங்கரம்.. ஆட்டோவை மறித்து ரூ.37 லட்சம் வழிப்பறி - திருச்சியில் அதிர்ச்சி

திருச்சியில், பட்டப்பகலில் ஆட்டோவை வழிமறித்து, 37 லட்சம் ரூபாயை மர்ம நபர்கள் பறித்து சென்ற சம்பவம் அதிர்ச்சியை ஏற்படுத்தியுள்ளது. திருச்சி காந்தி மார்க்கெட்டில் உள்ள மளிகை கடையில் கணக்காளராக பணிபுரியும் கிருஷ்ணகுமார் என்பவர் 37 லட்சம் ரூபாய் பணத்துடன், ஆட்டோவில் சென்றுள்ளார். அப்போது திருச்சி தபால் நிலையம் அருகே சிக்னலில் ஆட்டோ நின்று கொண்டிருந்த போது இருசக்கர வாகனத்தில் வந்த 2 பேர், ஆட்டோவை மறித்து பணத்தை பறித்து சென்றனர். இதுகுறித்த புகாரின் பேரில், அங்கு பதிவான சிசிடிவி காட்சிகள் அடிப்படையில் குற்றவாளிகளை போலீசார் தேடி வருகின்றனர்.