ரூ.1.40 லட்சத்துக்கு கேரள தம்பதியிடம் பச்சிளங் குழந்தை விற்பனை; தாய் செய்த காரியம்
நெல்லையில் பிறந்து 15 நாட்களில் ஒரு லட்சத்து நாற்பதாயிரம் ரூபாய்க்கு விற்கப்பட்ட பெண் குழந்தையை போலீசார் மீட்டனர்.
நெல்லையில் பிறந்து 15 நாட்களில் ஒரு லட்சத்து நாற்பதாயிரம் ரூபாய்க்கு விற்கப்பட்ட பெண் குழந்தையை போலீசார் மீட்டனர்.கரைச்சுத்து பகுதியை சேர்ந்தவர் தங்கசெல்வி. இவர் முதல் கணவரை பிரிந்து 2 வதாக அர்ச்சுணன் என்பவரை திருமணம் செய்துகொண்டார். முதல் கணவருக்கு 2 பெண் குழந்தைகள் பிறந்த நிலையில் 2ம் கணவருக்கும் தங்கசெல்விக்கும்,. 3 வதாக பெண் குழந்தை பிறந்துள்ளது. இதனால், குழந்தையை விற்க முடிவு செய்த தங்கசெல்வி, இதற்காக மாரியப்பன் என்பவரை அணுகியுள்ளனர். இதனிடையே கேரளத்தில் வசித்து வரும் குழந்தையில்லா தூத்துக்குடி தம்பதியினரிடம் பிறந்து 15 நாட்களே ஆன குழந்தையை ஒரு லட்சத்து 40 ஆயிரம் ரூபாய்க்கு விற்றுள்ளனர். 5 மாதம் கழித்து இந்த விவகாரம் வெளியில் கசிந்ததை அடுத்து, உவரி போலீசார் அந்த குழந்தையை மீட்டு நாகர்கோவில் குழந்தைகள் நல காப்பகத்தில் ஒப்படைத்தனர். மேலும், குழந்தையை பெற்றவர், விலை கொடுத்து வாங்கியவர், இடைத்தரகராக செயல்பட்ட ஆட்டோ டிரைவர் உள்ளிட்ட 4 பேரையும் போலீசார் கைது செய்தனர்.
Next Story
