தமிழகத்தில் 9-ம் வகுப்பு வரை ஆல் பாஸ் அறிவிப்பு? All Pass | Tamil nadu

கொரோனா காரணமாக, நடப்பாண்டு பள்ளிகள் தாமதமாக தொடங்கப்பட்ட நிலையில், 10, 11 மற்றும் 12ஆம் வகுப்பு மாணவர்களுக்கு மட்டும் பொதுத் தேர்வை நடத்த, கல்வித்துறை ஏற்பாடுகளை செய்து வருகிறது. ஒன்பதாம் வகுப்பு வரையிலான மாணவர்களுக்கு ஆண்டு இறுதித்தேர்வு அட்டவணை வெளியிடப்பட்டு இருந்தாலும், மீண்டும் கொரோனா தொற்று அதிகரித்து வரும் சூழலை கருத்தில் கொண்டு, ஒன்பதாம் வகுப்பு வரை அனைவரும் தேர்ச்சி என்ற அறிவிப்பு வெளியாகலாம் என எதிர்பார்க்கப்படுகிறது. ஏற்கனவே எட்டாம் வகுப்பு வரை அனைவரும் கட்டாய தேர்ச்சி என்று, கட்டாய கல்வி சட்டத்தில் கூறப்பட்டு உள்ள நிலையில், ஒன்பதாம் வகுப்பு மாணவர்களையும் சேர்த்து தேர்ச்சி என்று அறிவிக்க அரசு திட்டமிட்டுள்ளதாக கல்வித்துறை வட்டாரங்கள் தெரிவிக்கின்றன.