கட்சியினருக்கு முதலமைச்சர் ஸ்டாலின் கட்டளை

அண்ணல் அம்பேத்கர் பிறந்தநாளை சமத்துவ நாளாக கொண்டாட வேண்டும் என திமுகவினருக்கு ஸ்டாலின் வேண்டுகோள் விடுத்துள்ளார். 

ஏப்ரல்-14 சமத்துவ நாள் கொண்டாட்டத்தை முன்னிட்டு, திமுக சார்பில் அனைத்து மாவட்ட  அலுவலகங்களிலும், அண்ணல் அம்பேத்கரின் திருவுருவப் படத்திற்கு மலர் தூவி மரியாதை செலுத்திட வேண்டும் என ஸ்டாலின் தெரிவித்துள்ளார். அதேபோல தமிழ்நாட்டில் உள்ள 238 சமத்துவபுரங்களிலும் உள்ள தந்தை பெரியார் சிலையின் முன் அம்பேத்கரின் திருவுருவப்படத்தை வைத்து சட்டமன்ற - நாடாளுமன்ற உறுப்பினர்கள் உள்ளிட்ட கட்சியினர் மரியாதை செலுத்தி சமத்துவ நாளைக் கொண்டாடிட வேண்டும் என அன்புடன் கேட்டுக் கொள்வதாகவும் முதல்வர் ஸ்டாலின் வேண்டுகோள் விடுத்துள்ளார்.