100 அடி பள்ளத்தில் விழுந்த வேன்.. கோர விபத்தில் 11 பேர் பரிதாப பலி
திருப்பத்தூர் அருகே கோயிலுக்கு சென்ற வாகனம் விபத்துக்குள்ளானதில் 11 பேர் பலியான சம்பவம் அதிர்ச்சியை ஏற்படுத்தி உள்ளது.
திருப்பத்தூர் மாவட்டம் ஜவ்வாதுமலை புதூர்நாடு அடுத்த புலியூர் கிராமத்தை சேர்ந்த 28 பேர் சேம்பரை பகுதியில் உள்ள ஆஞ்சநேயர் கோயிலுக்கு சென்றனர். டாடா ஏசி வாகனத்தில் அவர்கள் சென்ற போது திடீரென வாகனம் கட்டுப்பாட்டை இழந்து 100 அடி பள்ளத்தில் விழுந்தது. இதில் வாகனத்தில் பயணம் செய்த 6 பேர் சம்பவ இடத்திலேயே பலியாகினர். படுகாயமடைந்த 20க்கும் மேற்பட்டோர் திருப்பத்தூர் அரசு மருத்துவமனையில் அனுமதிக்கப்பட்டனர். அதில் பள்ளி மாணவி உள்பட மேலும் 5 பேர் சிகிச்சை பலனின்றி பலியானார். மொத்தம் 11 பேர் விபத்தில் உயிரிழந்த நிலையில் சம்பவம் குறித்து போலீசார் விசாரணை நடத்தி வருகின்றனர்.
Next Story
