காட்டுப்பன்றியை வேட்டையாட வைத்த வெடியில் சிக்கிய பசு மாடு

ரிஷிவந்தியம் அருகே காட்டுப்பன்றியை வேட்டையாட வெடி வைத்த நபரை போலீசார் கைது செய்தனர். கள்ளக்குறிச்சி மாவட்டம் ரிஷிவந்தியம் அடுத்த மேமாலூர் கிராமத்தை சேர்ந்தவர் குழந்தைசாமி. இவர், காட்டுப்பன்றியை வேட்டையாட, வேல்மயில் என்பவரது விவசாய நிலத்தில் சட்டவிரோதமாக வெடி வைத்துள்ளார்.  இதில் சிக்கி, செந்தில் முருகன் என்பவரது பசு மாடு பலத்த காயம் அடைந்தது.  இந்நிலையில், செந்தில் முருகன் அளித்த புகாரின் பேரில், ரிஷிவந்தியம் போலீசார் குழந்தைசாமியை கைது செய்து சிறையில் அடைத்தனர்.