கைது செய்யப்பட்ட ரவுடி தப்பியோட முயற்சி - கீழே விழுந்ததில் கால் எலும்பு முறிவு

வெள்ளாளப்பட்டி  பகுதியை சேர்ந்த ரியல் எஸ்டேட் அதிபர் அன்பழகன் என்பவரை, கடந்த சில நாட்களுக்கு முன்பு, கத்திமுனையில் மர்மகும்பல் ஓன்று கடத்திச் சென்றது. பின்னர் குடும்பத்தாரை மிரட்டி, ஒரு லட்சம் ரூபாய் பணத்தை பெற்ற பிறகு, அன்பழகன் விடுவிக்கப்பட்டார். இதுதொடர்பான விசாரணையில், அஸ்தம்பட்டியை சேர்ந்த பிரபல ரவுடிகளான சித்தேஸ்வரன், அன்பழகன் ஆகியோர், கடத்தலில் ஈடுபட்டது தெரியவந்தது. இதனையடுத்து ரவுடி சித்தேஸ்வரனை போலீசார்  கைது செய்து, கடத்தலுக்கு பயன்படுத்திய காரையும் பறிமுதல் செய்தனர். அப்போது, போலீசாரிடம் தப்பிச் செல்ல முயன்றபோது, தவறிக் கீழே விழுந்ததில் சித்தேஸ்வரனின் கால் எலும்பு முறிந்தது. இதனைத் தொடர்ந்து அவர் மருத்துவமனையில் அனுமதிக்கப்பட்டுள்ளார். இதனிடையே, இந்த விவகாரத்தில் மேலும் 5 பேர் கைது செய்யப்படடுள்ளனர்.