உயிரிழந்த தாய் - வீடியோவில் உடலை பார்த்து கதறி அழுத உக்ரைனில் சிக்கியுள்ள மகன்

திருப்பத்தூர் மாவட்டம் ஆம்பூர் அடுத்த புத்தூர் பகுதியை சேர்ந்த சங்கர் என்பவரின் மகன் சக்திவேல் உக்ரைனில் இறுதியாண்டு மருத்துவம் பயின்று வருகிறார். உக்ரைனில் போர் நடைபெற்று வரும் பகுதியில் சிக்கியுள்ள மகனை நினைத்து, தாய் சசிகலா கடந்த 2 நாட்களாக துயரத்தில் இருந்துள்ளார். இந்நிலையில் நேற்று மாலை எதிர்பாரா விதமாக மயங்கி விழுந்த சசிகலா, மருத்துவமனைக்கு கொண்டு செல்லும் வழியில் பரிதாபமாக உயிரிழந்தார். இந்நிலையில் உக்ரைனில் சிக்கியுள்ள சக்திவேல் நாடு திரும்ப முடியாமல், வீடியோ காலில் தாயின் உடலை பார்த்து கதறி அழுத நிகழ்வு அப்பகுதியில் பெரும் சோகத்தை ஏற்படுத்தியுள்ளது.