கண்ணெதிரே திருடு போன சிறுவனின் சைக்கிள் - வீட்டிற்கே சென்று ஒப்படைத்த துணை ஆணையர்

சென்னையில் சிறுவனின் கண்ணெதிரே திருடு போன சைக்கிளை மீட்ட காவல்துறையினர் சிறுவனின் வீட்டிற்கே சென்று அதனை ஒப்படைத்துள்ளனர்.

சென்னை, புரசைவாக்கம் ஹைரோடு பகுதியில் உள்ள வசித்து வரும் சிறுவன் ஒருவனின் சைக்கிளை இளைஞர் ஒருவர் திருடிச் சென்றுள்ளார். இதனை கண்ட சிறுவன் சைக்கிளை துரத்திச் சென்ற போதிலும் சைக்கிளை திருடிய இளைஞர் சைக்கிளோடு மாயமானார். இதனையடுத்து, தனது கண்ணெதிரே சைக்கிள் திருடப்பட்டது குறித்து காவல் நிலையத்தில் அந்தச் சிறுவன் புகார் அளித்துள்ளார். இந்த சம்பவம், கீழ்பாக்கம் காவல்துறை துணை ஆணையர் கார்த்திகேயனுக்கு தெரியவர உடனடியாக சைக்கிளை கண்டுபிடித்து சிறுவனிடம் ஒப்படைக்க காவலர்களுக்கு உத்தரவிட்டார். இதனைத் தொடர்ந்து காவல்துறையினர்  சைக்கிளை மீட்ட நிலையில்  சிறுவனின் வீட்டிற்கே நேரடியாக சென்று துணை ஆணையர் கார்த்திகேயன் சைக்கிளை ஒப்படைத்துள்ளார்.