வீடுகளை நோட்டமிடும் கால்சட்டை கொள்ளையர்கள் - திகிலூட்டும் வீடியோ காட்சிகள்...

மதுரை பரவை அருகே நள்ளிரவில் கால்சட்டை மட்டுமே அணிந்த கொள்ளையர்கள் வீடுகளை நோட்டமிட்டுக் கொண்டே செல்லும் பரபரப்பான சிசிடிவி காட்சிகள் வெளியாகியுள்ளன. AIBEA காலனி பகுதியில் சென்ற ஆண்டு நள்ளிரவில் வீடு புகுந்து வீட்டிலிருந்த மாமியார், மருமகளை கட்டி போட்டு 140 சவரன் தங்க நகைகள் கொள்ளையடிக்கப்பட்டன. தற்போதும் அதே பகுதியில் கால் சட்டையை மட்டும் அணிந்து கொண்டு மர்ம நபர்கள் நடமாடுவதால் கொள்ளை சம்பவங்கள் நடைபெறுமோ என்று அப்பகுதி மக்கள் அச்சமடைந்துள்ளனர். இந்நிலையில், குற்ற சம்பவங்கள் நடைபெறாமல் போலீசார் இப்பகுதியில் ரோந்துப் பணியில் ஈடுபட வேண்டும் என்று மக்கள் கோரிக்கை விடுத்துள்ளனர்.