பயணிகளை திசை திருப்பி கொள்ளையடிக்கும் நபர்கள் - போலீசார் அதிரடி

மதுரையில், பேருந்து பயணத்தின் போது பயணிகளை திசை திருப்பி கொள்ளையில் ஈடுபட்ட 3 பேரை போலீசார் கைது செய்தனர். குற்றச்சம்பவங்கள் குறித்த புகாரின் பேரில், மதுரை போலீசார் தனிப்படை அமைத்து தீவிர கண்காணிப்பில் ஈடுபட்டனர். அப்போது, மொய்தீன், சாதிக் பாட்சா மற்றும் கோபிநாத் ஆகிய 3 பேரை போலீசார் கைது செய்தனர். அவர்களிடம் இருந்து சுமார் 18 லட்சம் ரூபாய் மதிப்பிலான 45 சவரன் தங்கநகைகள் மற்றும் என்பதாயிரம் ரூபாய் ரொக்கப்பணம் பறிமுதல் செய்யப்பட்டது. குற்றவாளிகள் கைது செய்யப்பட்டு நீதிமன்றத்தில் ஆஜர்படுத்தி சிறையில் அடைக்கப்பட்டனர்.